Aníka Lind Björnsdóttir

Jæja.. þá eru nánast öll mál komin á hreint. Við erum búin að finna leigjendur fyrir íbúðina okkar, við erum búin að finna okkur íbúð, við flytjum 1. feb. Það eina sem er eftir er að fullgera leigusamninga, þinglýsa, flytja og afhenda. ég er rosalega fegin að öll óvissan hvað þetta mál er komin á hreint.

Með samningsmál, þá erum við Arnar búin að fylla út umsókn fyrir nýjum samning sem ég fer með niður í fræðslusetur á morgun. ég þarf reyndar að fá launaseðlana mína til að láta reikna út hvað ég er búin með mikið og þá er hægt að gera nýjan samning. 

Svo byrjar bara skólinn alveg á fullu á morgun.. fyrsta fulla skólavikan í næstu viku.

Annars fórum við hjónin á Transporter 3 á föstudagskvöldið. ég hef bara aldrei verið jafn svekkt með Jason Statham og þarna. ekki nóg með það að þetta var ástarþvæla með 1 hasaratriði, að þá var mótleikonan hans ekki heit og hund leiðinleg. Til að bæta ofan á það, þá sat kona/stelpa fyrir framan okkur sem svoleiðis baðaði sig í ógeðis ilmvatninu sínu áður en hún fór í bíó, þannig að við vorum að kafna alla myndina. Það er alveg ótrúlegt hvað fólk getur endalaust spreyjað á sig og ekki fengið ógeð af lyktinni! 

Í gær fórum við svo og skoðuðum íbúðir útum allt.. þær voru ekkert til að hrópa húrra fyrir og þá allra síst fyrir peninginn sem var settur á þær! En þær fóru þó skánandi, en við enduðum í íbúðinni á Álftanesinu sem við vorum alltaf með á bak við eyrað. Í dag kom þetta svo allt saman í ljós, sem betur fer.

Helgi fer svo norður á morgun.. veit ekki hvenar ég fer norður aftur, en það verður til að pakka og vesenast. Við þurfum bara að þrauka 3 vikur í fjarbúð í viðbót. Það verður geggjað að hætta þessu flakki í bili..

En ég ætla að segja þetta gott í bili..